1. Fullt nafn og aldur ?
Svar: Arnar Gauti Reynisson, 29 ára

2. Hvað æfðiru hjá ÍR og tímabil ?
Svar: Ég æfði skíði frá því ég var 7 ára og þangað til ég var 16 ára. Þá fór ég að æfa skíði með Ármanni.Ég æfði fótbolta með ÍR frá því í 6. flokki og uppí meistaraflokk.

3. Áttiru þér einhver markmið ?
Svar: Á skíðum voru markmiðin þau að komast í landsliðið og verða Íslandsmeistari. Ég náði aldrei að verða Íslandsmeistari en ég komst í landsliðið.Í fótbolta var markmiðið einfaldlega að komast í liðið í hverjum leik og vinna hvern leik. Stundum tókst það og stundum ekki.

4. Hefurðu sett einhver íslandsmet ? (ef það eru einhver íslandsmet á skíðum)
Svar: Á skíðum eru engin íslandsmet.

5. Varðstu einhvertíman meistari ?
Svar:Ég var unglingameistari þegar ég var í 15-16 ára flokki, og Andrésar Andar meistari 9 ára og 11 ára. 

Höf: Daniel Þór Samúelsson, Sigurður Einar, Sigurður Hauksson og Daníel Þór Steinsson

Höfundur: Lárus og Kjartan

Jón Kaldal (24.8.1896-30.10.1981) flutti til Reykjavíkur árið 1915 til að læra ljósmyndun, sama ár gekk hann í Íþróttafélag Reykjavíkur. Jón rak lengi ljósmyndastofu að Laugavegi 11 og var sú ljósmyndastofa frægasta ljósmyndastofa á landinu. Jón var heimsþekktur ljósmyndari og tók þátt í mörgum ljósmyndasýningum víða um heim og vann til verðlauna. Merkilegt þótti hversu frumstæða ljósmyndavél Jón notaði við starf sitt og virðist sem hann hafi notað sömu vélina allt frá upphafi síns starfsferils. Jón Kaldal skapaði ómetanlegan þjóðarauð með myndatökum sínum um áratuga skeið.

Ein frægasta mynd Jóns er af eiginkonu hans Guðrúnu (Sigurðardóttur) Kaldal. Árið 1918 fer hann til Danmerkur til frekara náms í ljósmyndun og tekur þátt í íþróttum þar. Danir völdu hann m.a. til þátttöku á Ólympíuleikunum í Antwerpen 1920. Árið 1925 snýr hann aftur fullnuma í grein sinni og tekur þá þátt í félagsmálum og var kosinn í stjórn ÍR sama ár og starfar hann að stjórnarstörfum næstu 20 ár og var formaður í allmörg ár. Einnig var hann varaforseti ÍSÍ um árabil. Jón stundaði ýmsar íþróttir m.a. frjálsíþróttir, víðavangshlaup, sem hann sigraði tvívegis. Í formannstíð hans varð Skíðadeild ÍR til, og síðar var Kolviðarhóll keyptur sem skíða- og útivistarsvæði fyrir Reykvíkinga. Fyrir íþróttaafrek hans og störf í þágu íþróttasamtaka var Jón gerður að heiðursfélaga Íþróttasambands Íslands árið 1946, en áður hafði Íþróttafélag Reykjavíkur veitt honum samskonar viðurkenningu.


  

Bjarni Fritzson

Bjarni Fritzson byrjaði nú í fótbolta 6 ára en svo þegar hann var 8 ára skipti hann yfir í handbolta og sér ekki eftir því.  Bjarni varð atvinnumaður og er með fremstu hægri hornamönnum landsins. Hann segir að ástæðuna fyrir því að hann sé svona góður  að hann hafði í fyrsta lagi mjög gaman að æfa handbolta með Íþróttafélagi Reykjavíkur. Þegar hann varð eldri dreymdi hann alltaf um að verða atvinnumaður í handbolta og setti sér það markmið.

Þegar Bjarni var 22 ára gamall komst hann í fyrsta skipti í landsliðið og lýsti því þannig að það hefði verið mikið áfall að byrja að æfa með landsliðinu og öllum hetjunum sínum eins og Ólafi Stefánssyni.

Bjarni fór með landsliðinu á Ólympíuleikana í Peking sem aukamaður og gisti ekki með liðinu.

Við þökkum Bjarna fyrir að leyfa okkur að tala við hann og fyrir hjálpina 

Höfundur: Daniel Þór Samuelsson og Sigurður Einar

Íþróttamenn ársins

1992-2009

1992. Einar Vilhjálmsson

1993. Martha Ernsdóttir

1994. Martha Ernsdóttir

1995. Herbert Arnarson

1996. Vala Flosadóttir

1997. Kristján Halldórsson

1998. Vala Flosadóttir

1999. Vala Flosadóttir og Ragnar Þór óskarsson

2000. Vala Flosadóttir og Einar Karl Hjartarson

2001. Friðrún Þórðardóttir og Eiríkur Önundarson

2002. Karen Björk Björgvinsdóttir og Einar Friðrik Hólmgeirsson

2003. Karen Björk Björgvinsdóttir og Adam Reeve

2004. Kristín Birna ólafsdóttir og Ingimundur Ingimundarson

2005. Kristín Birna ólafsdóttir og Tryggvi Haraldsson

2006  Hulda Rún Jónsdóttir og Ómar Örn Sævarsson

2007.  Kristín Birna ólafsdóttir og Hreggviður Steinar Magnússon

2008. Jóhanna Ingadóttir og Sveinbjörn Classen

2009.  Jóhanna Ingadóttir og Einar Daði Lárusson 


Jóhanna Ingadóttir

Höfundur: Daníel Þór Samúelsson

  Ég ákvað að fjalla um fyrstu ár Íþróttafélags Reykjavíkur

ÍR var stofnað árið 1907, 11.mars. Það eru yfir 400 bikarar í ÍR heimilinu en það eru fleiri sem eru ekki í ÍR heimilinu. Frjáls íþróttadeildin er sigursælasta deild ÍR, hún hefur unnið meirihluta bikaranna. Árið 1942 var stofnuð meistaramót í frjáls íþróttum fyrir U18 ára drengi, það var keppt í 12 greinum. ÍR vann 5 þeirra. ÍR er fyrst félaga til þess að kaupa fullkomin

frjálsíþróttaáhöld frá útlöndum – spjót, kringlu, kúlu og stöng. Það gerði félagið þegar á fyrsta ári, 1907. Fyrstu mennirnir, sem leiðbeint hafa í frjálsum íþróttum hér í bænum, munu hafa verið Andreas J. Bertelsen, hinn ágæti og áhugasami forgöngumaður og leikfimiskennari ÍR og Helgi Jónasson, hinn áhugasami og íþróttafróði formaður félagsins um langt skeið. En fyrsti vísirinn til kappmóta í frjálsum íþróttum hér í Reykjavík, mun hafa verið í sambandi við þjóðhátíðina gömlu, sem jafnan var 2. ágúst á Landakotstúninu. Ekki minnist sá, er þetta ritar, þess, að hafa séð neinar sameiginlegar æfingar eða undirbúning keppenda undir þátttöku, svo að teljandi væri, að æfingum ÍR undanskildum.“ ÍR átti fulltrúa í fyrstu ólympíusveit Íslendinga, Hallgrím Benediktsson og Sigurjón Pétursson. Þeir voru félagsmenn í ÍR og voru tveir af glímumönnunum sem sýndu íslenska glímu á leikunum í Lundúnum 1908. Sigurjón keppti að auki í grísk -rómverskri glímu. ÍR lét þýða og gaf út fyrstu leikreglurnar í knattspyrnu sem út koma hér á landi á prenti, árið 1908. Voru þær notaðar í íþróttinni þar til ÍSÍ gaf út ný knattspyrnulög átta árum seinna. ÍR hélt fyrsta frjálsíþróttamótið sem fram fór í landinu, en það var háð 1.–2. ágúst 1909. Þar komu ÍR-ingar

fyrsta sinn fram til að keppa. Fyrri daginn fór fram einnar danskrar mílu hlaup, Árbæjarhlaupið, og varð Einar Pétursson fjórði af 28 keppendum á 28:15 mín., 15 sekúndum á eftir sigurvegaranum. ÍR átti fyrsta keppanda Íslands í frjálsíþróttum á Ólympíuleikum en það var Jón Halldórsson, síðar ríkisféhirðir, sem keppti í 100 metra hlaupi í Stokkhólmi 1912. ÍR hafði allan veg og vanda af undirbúningi

og framkvæmd fyrsta sundmótsins sem fram fer eftir alþjóðlegum reglum á Íslandi. Það var haldið 1. ágúst 1909 í Skerjafirði og þar var keppt í fyrsta sinn á afmældum brautum. ÍR er fyrsta félagið sem heldur leikmót í nafni íþróttafélags, en það var háð 2. og 3. ágúst 1913 og var aðeins fyrir íþróttamenn úr Reykjavík. ÍR hélt fyrsta víðavangshlaup hér á landi, fyrsta sumardag 1916, og hefur

það farið óslitið fram árlega síðan. ÍR réðst fyrst allra í útgáfu íþróttablaðs, 1916. Það hét Sumarblaðið og kom

einnig út 1917. Því næst gaf félagið út Þrótt, sem hóf göngu sína 1. janúar 1918. Eftir að hann hafði verið gefinn út í fimm ár óskaði ÍSÍ eftir því að fá blaðið sem málgagn sitt. ÍR hélt árið 1922 fyrsta íþróttanámskeið fyrir allt Ísland, m.a. í fimleikum, frjálsíþróttum, sundi og knattspyrnu. Það stóð í sex vikur og þátt tóku 33 menn

hvaðanæva af landinu. Félagið fékk norskan íþróttakennara til að annast kennsluna. Það útvegaði þátttakendum ókeypis húsnæði hér í bænum og öll kennsla var ókeypis. ÍR var gestgjafi fyrsta erlenda fimleikaflokksins sem kom til Íslands, en þar var um að ræða Kristiania Turnforening sem kom til landsins 1921. ÍR-ingar áttu lengi markamet í Íslandsmótinu í handknattleik. Jóel Sigurðsson, síðar Íslandsmethafi í spjótkasti, skoraði 15 mörk er ÍR lagði

Fram 26:6 í 2. flokki á Íslandsmótinu í leik sem háður var í Íþróttahúsi

Jóns Þorsteinssonar sunnudaginn 7. apríl 1940.

Gamla ÍR húsið
Höfundur: Daníel Þór Steinsson

Knattspyrna hefur verið iðkuð óslitið hjá ÍR frá því vorið 1970, oftast af miklum krafti. ÍR-ingar hafa þó stundað knattspyrnu allt frá fyrstu árum félagsins, en lengst af með talsverðum hléum til 1970. Knattspyrnan á sér þó mun eldri sögu innan ÍR. Má rekja hana allt til bernskuára félagsins. Benedikt G. Waage fyrrverandi formaður félagsins og þáverandi forseti ÍSÍ sagði á aðalfundi ÍR 1944, að félagið hefði byrjað að æfa knattspyrnu næst á eftir KR. Sú starfsemi hefði þó fallið niður vegna þess að margir af félagsmönnum ÍR hefðu gengið í önnur knattspyrnufélög. Í áhaldaskrá félagsins frá upphafsárum þess má sjá að það hefur átt hverju sinni nokkra fótknetti. Strax á öðru ári ÍR, eða 1908, keppti fótboltaflokkur undir merkjum félagsins við KR. Á þeim tíma gekk íþróttin undir fótbolta-nafninu, orðið knattspyrna mun ekki hafa verið myndað fyrr en 1910. Er Bjarni frá Vogi sagður vera höfundur þess. Þó að íþróttin hafi ekki beinlínis veri á stefnuskrá ÍR hafði félagið nógu mörgum knattspyrnumönnum á að skipa til þess að geta háð nokkra leiki við KR. Knattspyrnumenn ÍR voru flestir (og ef til vill allir, nema Andreas J. Bertelsen formaður og stofnandi ÍR) einnig félagsmenn í KR. Þar höfðu þeir lært og iðkað listina. Var þetta gert til þess að hægt væri að þreyta kappleiki, því að annars var ekki um annað að ræða en að tefla fram tveimur liðum úr KR. Þessir leikir KR og ÍR munu hafa farið fram sumarið 1908. Ekki varð framhald á þeim og ÍR tók ekki knattspyrnu á stefnuskrá sína fyrr en löngu síðar.

Höfundur: Kristján Þór Sigurðsson og Róbert Gjéé